Isla d'Eivissa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Eivissa
Localizazión
Estau	Espanya
Archipelago	Islas Balears
Mar	Mediterrania
Coordenatas	38.98° N 1.43° E
Cheografía
Superficie	569,6 km²
Demografía
Capital	Ibiza
Población	151.827 habitants (2020)
Densidat	219,55 ab./km² hab./km²
Chentilicio	Ibicenco/a[1]
Atros datos
Municipios	5
Mapa

Eivissa (en castellano Ibiza) ye a mas gran d'es Islas Pitiusas y a mas occidental d'as islas de l'archipelago Balear, a lo centro-ueste d'a Mediterrania occidental. Con una longaria de costa de 210 km, en a cual s'alternan chicotas calas d'arena, as distancias maximas d'a isla son de 41 kilometros de norte a sud e de 15 kilometros d'este a ueste, y tien una morfolochía muit irregular, formata por una gran cantidat de chicotas montanyas, d'as cuals amás alta ye Sa Talaia –en o municipio de Sant Josep de sa Talaia– con 475 metros d'altaria. Con un alto grado d'urbanización (a sobén incontrolata), conserva bellas zonas de gran valor natural como son o Parque Natural de ses Salines, Cala d'Hort u os auguamols de ses Feixes. A suya economia pende mayoritariament d'os ingresos d'o sector turistico, l'actividat d'o cual ye centrata en a temporada de verano. A isla se divide tradicionalment en Vila (nombre tradicional d'a ciudat) y Fora Vila, d'a mesma traza que Mallorca se divide en Ciutat y Part Forana.

En 1999 fue nombrata Patrimonio d'a Humanidat por a UNESCO. Fa parte d'a Organización d'as Ciudaz d'o Patrimonio d'a Humanidat.

1. ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.